ការជក់បារីនៅកន្លែងហាមឃាត់ត្រូវពិន័យ២០០០០រៀល

មជ្ឈមណ្ឌលជាតិលើកកំពស់សុខភាពរៀប

ចំបើកយុទ្ឋនាការស្តីពីបរិស្ថានគ្មានផ្សែង

បារីក្នុងក្រុងសៀមរាប

ថ្នាំជក់គឺជាមូលហេតុចម្បងដែលបង្កឱ្យមានជំងឺ

មិនឆ្លងដូចជាជំងឺមហារីកជំងឺសរសៃ

ឈាមនិងបេះដូងជំងឺផ្លូវដង្ហើមប្រពន្ឋ័រំលាយ

អាហារនិងជំងឺផ្សេងៗជាច្រើនទៀត។លើសពីនេះនៅមានបញ្ហាប្រឈមមួយចំនួនទៀតគឺនៅមានអ្នកជក់បារីប្រមាណជិត១.៧លាននាក់

(មួយលានប្រាំពីរសែននាក់)ដែលអត្រាចំណាយសម្រាប់ទិញបារីប្រមាណជាង២០១លានដុល្លារ១ឆ្នាំ

និងចំណាយទាក់ទងទៅនឹងការព្យាបាលជំងឺ ការបាត់បង់កម្លាំងពលកម្ម បណ្តាលមកពីជំងឺដែលបង្កដោយថ្នាំជក់ មានប្រមាណជិត ១៦៣លានដុល្លារក្នុងមួយឆ្នាំ ជាងនេះទៀត ប្រជាជនមិនជក់បារីប្រមាណ៦០% រងការស្រូបផ្សែងបារីដោយអចេតនា

នៅតាមកន្លែងធ្វើការនិងតាមទីសាធារណៈ។ឆ្លើយតបទៅនឹងបញ្ហានេះ ក្នុងឆ្នាំ២០១៥និង២០១៦ រាជរដ្ឋាភិបាលកម្ពុជា បានដាក់ចេញជាបន្តបន្ទាប់នូវ ច្បាប់ស្តីពីការត្រួតពិនិត្យថ្នាំជក់ និងលិខិតបទដ្ឋានគតិយុត្តិនានាដើម្បីជម្រុញការងារត្រួតពិនិត្យថ្នាំជក់ឱ្យកាន់តែទូលំទូលាយនិង

ធានាបានក្នុងការកាត់បន្ថយអត្រាឈឺ ស្លាប់និងភាពក្រីក្រដែលបណ្តាលមកពីការប្រើប្រាស់ថ្នាំជក់។ខាងលើនេះផ្អែកតាមរបាយការណ៍ឆ្នាំ២០១៤របស់មជ្ឈមណ្ឌលជាតិលើកកំពស់សុខភាពក្រសួងសុខាភិបាល ដែលបានលើកឡើងកាលពីថ្ងៃទី៦ខែកញ្ញាឆ្នាំ២០១៦នៅសណ្ឋាគារសោមទេវីក្នុងពិធីបើកយុទ្ឋនាការស្តីពីបរិស្ថានគ្មានផ្សែងបារីក្នុងក្រុងសៀមរាប។មានប្រសាសន៍សំណេះសំណាលទៅកាន់អង្គពិធីក្នុងនាមឱ្យគណៈកម្មការអន្តរក្រសួងដើម្បីអប់រំនិងកាត់បន្ថយការប្រើប្រាស់ថ្នាំជក់ ឯកឧត្តមវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល បានមានប្រសាសន៍ថា៖

ការប្រើប្រាស់ថ្នាំជក់ធ្វើឱ្យប៉ះពាល់ដល់សុខភាពទាំងអ្នកជក់និងអ្នកមិនជក់ដែលបានស្រូបផ្សែងបារីដោយអចេតនា ព្រមទាំងបានធ្វើឱ្យប៉ះពាល់ដល់សេដ្ឋកិច្ចជាតិនិងបរិស្ថានសង្គមថែមទៀតផង។ថ្នាំជក់បាន

បណ្តាលឱ្យពាក់កណ្តាលនៃអ្នកប្រើប្រាស់បានស្លាប់។តាមការស្រាវជ្រាវរបស់អង្កការសុខភាពពិភពលោកការជក់បារីបណ្តាលឱ្យស្លាប់មនុស្សប្រមាណជា៦លាននាក់ជារៀងរាល់ឆ្នាំ។រីឯអ្នកមិនជក់បារីចំនួន៦សែននាក់បានស្លាប់ក្នុងមួយឆ្នាំដោយគ្រាន់តែស្រូបផ្សែងបារីពីគេ។ឯកឧត្តម រដ្ឋមន្ត្រីបានបញ្ជាក់ទៀតថា៖ទាក់ទងទៅនឹងការ ការពារជំងឺដែលបណ្តាលមក

ពីការប្រប្រាស់ផលិតផលថ្នាំជក់ រាជរដ្ឋាភិបាលបានដាក់ចេញជាបន្តបន្ទាប់នូវលិខិតបទដ្ឋាន

គតិយុត្តផ្សេងៗ ដូចជា ច្បាប់ស្តីពីការត្រួតពិនិត្យថ្នាំជក់ អនុក្រិតស្តីពីការបោះពុម្ភសារព្រមាន

សុខភាពជាភាសាខ្មែរ ជារូបភាពលើកញ្ចប់ផលិតផលថ្នាំជក់ ប្រកាសស្តីពីវិធាន

ការចំពោះការដាក់តាំងបង្ហាញកញ្ចប់ផលិតផលថ្នាំជក់ អនុក្រិតស្តីពីវិធានការហាមឃាត់ការជក់

ឬបង្ហុយផ្សែងផលិតផលថ្នាំជក់នៅកន្លែង

ធ្វើការឬកន្លែងសាធារណៈព្រមទាំងសកម្មភាព

អប់រំផ្សេងៗជូនដល់ប្រជាជនឱ្យចៀសវាង

ពីការប្រើប្រាស់ថ្នាំជក់ជាច្រើនទៀតមក

ដល់ពេលនេះយើងមានច្បាប់ទាក់ទងនឹងការ

ត្រួតពិនិត្យផលិតផលថ្នាំជក់គ្របគ្រាន់ហើយ។ឯកឧត្តមរដ្ឋមន្ត្រីក្រសួងសុខាភិបាល បានជំរុញដល់មន្ត្រីគ្រប់អង្គភាពស្ថាប័នពាក់ពន្ឋ័ទាំងអស់បន្តជំរុញការអនុវត្តច្បាប់នៅតាម

មូលដ្ឋាននិងបន្តអប់រំដល់ប្រជាពលរដ្ឋដើម្បីរួមគ្នាកាត់អត្រាឈឺ អត្រាមរណៈនិងកាត់

បន្ថយការចំណាយថវិកាទៅលើការព្យាបាលនិងការថែទាំព្យាបាលជំងឺដែលបណ្តាល

មកពីការប្រើប្រាស់ផលិតផលថ្នាំជក់ ។សូមបញ្ជាក់ថា៖ យុទ្ឋនាការស្តីពីបរិស្ថាន

គ្មានផ្សែងបារីក្នុងក្រុងសៀមរាបធ្វើឡើងក្នុងគោលបំណងដើម្បីជំរុញទឹកចិត្តបុគ្គលប្រើប្រាស់

ថ្នាំជក់ឱ្យឈប់ជក់ឬបង្ហុយផ្សែងផលិតផលថ្នាំជក់នៅកន្លែងហាមឃាត់ បង្កើនការអប់រំផលប៉ះពាល់នៃថ្នាំជក់ដល់សាធារណៈជនទាំងអ្នកជក់និងអ្នកមិនជក់

និងដើម្បីជំរុញការអនុវត្តអនុក្រិតស្តីពីវិធានការហាមជក់ឬបង្ហុយផ្សែងថ្នាំជក់នៅកន្លែងធ្វើការឬ

កន្លែងសាធារណៈ ក៍ដូចជាការជំរុញារអនុវត្តច្បាប់និងលិខិតបទដ្ឋានគតិយុត្តនានា

ក៍ដូចជាការដាក់សារព្រមានសុខភាពជារូបភាព ការហាមឃាត់ទាំងស្រុងការផ្សាយពាណិជ្ជកម្ម

ផលិតផលថ្នាំជក់ឱ្យបានទូលំទូលាយក្នុងព្រះរាជាណាចក្រកម្ពុជា។

បច្ចុប្បន្ននៅកម្ពុជាមិនមានការរកឃើញជំងឺហ្សីកាទេ តែយ៉ាងណាក្រសួងសុខាភិបាលកំពុង ព្រួយបារម្ភខ្លាំងចំពោះការរាតត្បាតនៃវីរុសហ្សីកាដែលកំពុងរាតត្បាតនៅប្រទេសមួយចំនួន

នៅ ​ ថ្ងៃទី​ ៥​ ខែកញ្ញា​ ឆ្នាំ​ ២០១៦​ ​ ឯកឧត្តមបណ្ឌិត ម៉ម​ប៊ុនហេង រដ្ឋមន្រ្តី​ក្រសួងសុខាភិបាល​ បានចុះត្រួតពិនិត្យប្រពន្ឋ័វិធានការបង្ការជំងឺ​ ហ្សុីកា​ (Zika)​ នៅអាកាសយានដ្ឋានអន្តរជាតិ ​ សៀមរាប​ ។​ ឯកឧត្តមបានណែនាំឲ្យមន្រ្តីចត្តាឡីស័កទាំងអស់នៅអាកាសយានដ្ឋានអន្តរជាតិ យកចិត្តទុកដាក់ខ្ពស់បំផុតក្នុងការបង្ការនិងទប់ស្កាត់ជំងឺ​ ហ្សីុកា​ និងជំងឺឆ្លងផ្សេងៗទៀត​ ។​ ឯកឧត្តមក៏បានកោតសសើខ្ពស់ដល់មន្រ្តី្តចត្តាឡីស័កដែលបានខិតខំខ្ពស់អស់​ ពីសមត្ថភាពដើម្បីបង្ការសុខភាពប្រជាពលរដ្ឋ​ព្រោះលោក​ លោកស្រីជាមន្ត្រីសុខភិបាលជួរមុខ​។ឯកឧត្តម​ ម៉ម ប៊ុនហេង រដ្ឋមន្រ្តីក្រសួងសុខាភិបាលក្នុងឱកាស ចុះត្រួតពិត្យវិធានការ

បង្ខារជំងឺហ្សីការ(Zika)នៅអាកាសយានដ្ឋានអន្តរជាតិសៀមរាបបញ្ជាក់ថា៖បើទោះបីបច្ចុប្បន្

ននៅកម្ពុជាមិនមានការរកឃើញជំងឺនេះក៍ដោយ ប៉ុន្តែយើង កំពុងតែមានការព្រួយបារម្

ភខ្លំាងចំពោះការរាតត្បាតរបស់វិរុសហ្សីការ(Zika)ពីព្រោះជំងឺនេះបានកំពុងតែវាយ

លុកនៅក្នុងតំបន់អាស៊ី ហើយជាពិសេសប្រទេសដែលនៅជិតខាងយើងដូចជាសិង្ហបុរី  ឡាវ និងវៀតណាម ម៉ាឡេស់ី​គឺសុទ្ធមានការកើតជំងឺនេះកើតឡើងហើយ។

ឯកឧត្តម បានបញ្ជាក់ថា៖” វិធានការបង្ខារជំងឺហ្សីការ(Zika)គឺក្រសួងបានដាក់ម៉ាស៊ីនត្រួតពិនិត្យ

តាមដានកម្តៅភ្ញៀវទេសចរទំាងអស់ដែលចូលកម្ពុជាទាំងអស់ បើសិនជាកម្តៅចាប់៣៨ឡើង

ទៅមន្រ្តីចត្តាឡីស័កដែលប្រចំាការនៅទីនោះនឹងផ្តល់ប្រឹក្សាដល់ភ្ញៀវឬបញ្ជូនទៅមន្ទីរពេទ្យ

ដើម្បីធ្វើតេសឈាមនិងបានត្រៀមលក្ខណៈដើម្បីឆ្លើយតបជាបន្ទាន់ប្រសិនបើមានករណី ជំងឺហ្សីកានេះកើតឡើងជាយថាហេតុនិងពង្រឹងជាប់ជានិច្ចនូវការតាមដានស្ថានការណ៍ជំងឺ

ដោយប្រើប្រាស់ប្រពន្ឋ័តេសមានស្រាប់នៅតាមបណ្តាខេត្តរាជធានីទាំង២៥។នាពេលបច្ចប្បន្នគ្មានវ៉ាក់សាំងឬការព្យាបាលជាក់លាក់ណាមួយសម្រាប់ជំងឺហ្សីកានេះទេ។

សូមបញ្ជាក់ថាក្នុងសេចក្តីប្រកាសព័ត៌មានរបស់ក្រសួងសុខាភិបាល៖ វីរុសZikaរក

ឃើញដំបូងនៅលើសត្វស្វាក្នុងឆ្នាំ១៩៤៧ និងលើមនុស្សក្នុងឆ្នាំ១៩៥២នៅប្រទេសUganda និងTanzaniaនៃទ្វីបអាហ្វ្រិក។ បន្ទាប់មកជំងឺនេះមានការផ្ទុះឡើងជារប៉េះរប៉ោះនៅទ្វីបអាហ្រ្វិក អាមេរិក និងអាស៊ីប៉ាស៊ីហ្វិក។បច្ចុប្បន្ននេះ វីរុសZika កំពុងរាតត្បាតនៅប្រទេស

ក្នុងតំបន់អាមេរិកខាងត្បូង និងអាមេរិកកណ្តាល ។ ជំងឺនេះចំលងតាម មូសខ្លា ដូចជំងឺគ្រុនឈាមដែរ និងមានរោគសញ្ញាដូចជំងឺគ្រុនឈាម (គ្រុនក្តៅ ឈឺក្បាល ក្រហមភ្នែក កន្ទួលក្រហមលើស្បែក ឈឺសន្លាក់) ។នៅប្រទេសយើងចាប់ពីឆ្នាំ២០០៧ ដល់ឆ្នាំ

២០១០រកើញZika ចំនួន៧ករណី សុទ្ធតែជាសះស្បើយ និងពុំរកឃើញមានកុមារមានក្បាលតូចទេ និងចាប់ពីពេលនោះដល់ បច្ចុប្បន្នពុំរកឃើញជំងឺនេះទៀតទេ។ មេរោគ Zika ដែលកើតមាននេះ ជាមេរោគក្នុងស្រុក មិនមែននាំចូលពីប្រទេសទ្វីបអាមេរិកទេ ។ យើងមានមន្ទីរពិសោធន៏អាចធ្វើតេស្ហបាន ។ គ្រោះភ័យបណ្តាលមកពីជំងឺនេះនៅ ក្នុងប្រទេសយើងនៅមានកំរិតទាបនៅឡើយ តែវិធានការបង្ការត្រូវតែពង្រឹងជាប់ជានិច្ច ដែលយើងប្រើប្រព័ន្ទដែលមានស្រាប់ ។ វិធានការណ៏សុខាភិបាលៈ ពង្រឹងប្រព័ន្ទតាមដានជំងឺ ធ្វើតេស្ហអ្នក សង្ស័យជំងឺ បងប្អូនដែលធ្វើត្រលប់មកពី អាហ្វ្រិក និង អាមេរិក បើសង្ស័យសូមទៅពិគ្រោះជំងឺនៅមន្ទីរពេទ្យនិងប្រាប់គ្រូពេទ្យអំពីការធ្វើដំណើររឺទូរស័ព្ទមកលេខ១១៥

បវរកញ្ញាឯកពិភពលោកជ្រើសរើសយកកម្ពុជាជាគោលដៅទេសចរណ៍មុនគេបន្ទាប់ពីទទួលបានចំណាត់ថ្នាក់ជា Miss Global 2015

កម្ពុជាពិតជាមានមោទនាភាពណាស់ ខណៈវត្តមានបវរកញ្ញបេះដូងបវរកញ្ញា
ឯកពិភពលោកឆ្នាំ២០១៥បីរូបជ្រើសរើសយក
ព្រះរាជាណាចក្រកម្ពុជាជាគោលដៅទស្សនា
និងស្វែងយល់ពីវប្បធម៌ទំនៀមទំលាប់ប្រពៃណី
របស់ប្រជាជនកម្ពុជាក្រោយពីពេលដែលកញ្ញា
ឯកទាំងបីទទួលបានចំណាត់ថ្នាក់ជាបវរកញ្ញា
ឯកពិភពលោកឆ្នាំ២០១៥.
ក្រោឆ្លងកាត់វគ្គផ្តាច់ព្រ័ត្តបវរកញ្ញាឯក គណៈកម្មាការបានសួរនិងផ្តល់ឱកាសដល់បវរកញ្ញាជ្រើសរើសយកគោលដៅសម្រាប់ដំណើរ
កំសាន្តក្នុងពីភពលោកមុនគេពួកគាត់បានជ្រើសរើសយកកម្ពុជាមុនគេជាគោលដៅទេសចរណ៍
ដែលនេះជាមោទនភាពមួយសម្រាប់ប្រជាជននិងប្រទេសជាតិយើងទាំងមូល។ការមកកាន់កម្ពុជារបស់ពួកគាត់ក្រោមហេតុផលពីយ៉ាងទីមួយគឺដើម្បីស្វែងយល់ពីភាពជឿនលឿន
របស់កម្ពុជាពាក់ពន្ឋ័ទៅនឹងវិស័យទេសចរណ៍ វប្បធម៌និងទីពីរចូលរួមក្នុងសកម្មភាពមនុស្សធម៌តាមរយៈកិច្ចសហការជាមួយសមាគមសិល្បៈករ
ខ្មែររួមគ្នាប្រគុំតន្ត្រីសប្បុរសធម៌ប្រមូលថវិកាជួយដល់មន្ទីរពេទ្យកុមារអង្គរនៅសៀមរាបនិងមន្ទីរពេទ្
យគន្ឋបុប្ផានិងបាននាំយកអំណោយមួយចំនួនជូនដល់សាលាវិចិត្រសិល្បៈផងដែរ។នេះបើតាមការបញ្ជាក់របស់ក្រុមប្រតិភូអមដំណើរមកពីសហរដ្ឋអាមេរិក។

៖ បវរកញាពិភពលោកលេខ១ពីភពលោក ជាបវរកញ្ញាឯករបស់ប្រទេសអូស្រ្តាលី ឈ្មោះ Jessica Peart  បវរកញាលេខ២ ជនជាតិខ្មែរ សញ្ជាតិUSA ឈ្មោះ Virginia Prak ,ជាបវរកកញ្ញាឯករបស់សហរដ្ឋអាមេរកនិង បវរកញាលេខ៣មកពី Ireland ឈ្មោះ Lorna Murphy ,នឹងបវរកញាលេខ៤ នឹងធ្វើដំណើរមកដល់សៀមរាបនៅម៉ោង៥.៣០នាទីល្ងាច ថ្ងៃទី១០ខែឧសភាឆ្នាំ២០១៦មកពី ប៊ុលការី ឈ្មោះ Gregana Doncheva ជា បវរកញ្ញាឯក លេខ១ ប្រចាំប្រទេសបុលហ្គារី  និងជាបរវកញ្ញាឯក Miss Global 2015 ចំណាត់ថ្នាក់លេខ៤ ។Miss Global 2015 ទាំង៤រូប ទៅធ្វើទស្សនកិច្ចនៅមន្ទីរពេទ្យកុមារអង្គរ  និងទៅទស្សនាប្រាសាទអង្គរវត្ត ជាថ្ងៃបញ្ចប់ដំណើរកំសាន្ត៕