សាលាបឋមសិក្សាក្រវ៉ាន់ទទួលបានថវិកាជិត១៣០០០ដុល្លារពីបុណ្យផ្កាប្រាក់សាមគ្គីសម្រាប់ទុកសាងសង់អគារទីចាត់ការ

នៅថ្ងៃទី២៩ខែមិថុនាឆ្នាំ២០១៩  ឯកឧត្តម គង់ប៊ុនលី ទីប្រឹក្សាផ្ទាល់ សម្តេចព្រះ

មហាសុមេធាធិបតីកិត្តិឧទេ្ទសបណ្ឌិត

នន្ទង៉ែតសម្តេចសង្ឃនាយកនៃព្រះរាជា

ណាចក្រកម្ពុជានិងជាមេបញ្ជាការរង

នៃបញ្ជាការដ្ឋានកងអង្គរក្ស និងលោកជំទាវ សហការជាមួយ ព្រះសង្ឃក្នុងវត្តទាំង៧

ក្នុងសង្កាត់នគរធំ និង អាជ្ញាធរមូលដ្ឋាន គណៈគ្រប់គ្រងសាលា ព្រមទាំង សប្បុរសេជនជិតឆ្ងាយ ដឹកនាំដោយ ព្រះគ្រូបញ្ញារង្សីឧត្តមបណ្ឌិត

 គង់ សុភាព ថិតប្បញ្ញោព្រះចៅអធិការ

វត្តឥន្ទបត្តបុរី(អង្គរខាងជើង) បានមូលមតិគ្នា

រៀបចំអង្គផ្កាប្រាក់សាមគ្គីដើម្បីប្រមូលថវិកា

សាងសង់អគារទីចាត់ការនៃសាលាបឋមសិក្សា

ក្រវ៉ាន់ ស្ថិតនៅភូមិក្រវ៉ាន់ សង្កាត់នគរធំ ក្រុងសៀមរាប ខេត្តសៀមរាប។

    បើតាមរបាយការណ៍របស់លោកនាយកសាលាក្រវ៉ាន់បានឱ្យដឹងថា៖ដោយសារកំណើនសិស្សា

នុសិស្សកើនឡងជាបន្តបន្ទាប់ បានធ្វើឱ្យសាលាខ្វះខាតអគារសិក្សា១ខ្នង និងអគារទីចាត់ការ

១ខ្នងស្មើនឹង១បន្ទប់ជាចាំបាច់។បន្ថែមពីនេះ សាលាក៍នឹងមានគម្រោងមួយចំនួន

ក្នុងការរៀបចំកែលំអបរិស្ថានសាលារៀនដូចជា សាងសង់រូបសំណាក សង់សួនកុមារ កែលំអសួនច្បារនិងក្រាលការ៉ឡា ជាដើម។ល។

      ក្នុងឆ្នាំសិក្សា២០១៨-២០១៩នេះ សាលាមានអគារសិក្សាចំនួន៤ស្មើនឹង១១បន្ទប់ មានសិស្សសរុបចំនួន៧២៦នាក់ ក្នុងនោះ ស្រី៣៣៩នាក់។ទីចាត់ការដែលត្រូវសាងសង់ មានបណ្តោយ៩គុណ១០ម៉ែត្រកន្លះ កំពស់៧ម៉ែត្រ សាងសង់ពីឥដ្ឋនិងបេតុង ដែលគ្រោងចំណាយថវិកាអស់១៣០០០ដុល្លារអាមេរិក។

        ឯកឧត្តម គង់ប៊ុនលី មេបញ្ជាការរងនៃបញ្ជាការដ្ឋានកងអង្គរក្ស បានមានប្រសាសន៍ថា៖ ប្រទេសកម្ពុជាក្រោមការដឹកនាំដែលមានសម្តេចអគ្គមហាសេនាបតីតេជោហ៊ុនសែនជានាយករដ្ឋមន្ត្រីអ្វីៗបាននឹងកំពុងរីកចំរើនជឿនលឿនទៅមុខឥតឈប់ឈរក្រោមដំបូលសន្តិភាពតែមួយ។ប្រទេសមានស្ថេរភាព មានសុខសន្តិភាពទើបយើងមានឱកាសបានសិក្សារៀនសូត្រធ្វើបុណ្យទាន ដោយគ្មានក្តីបារម្ភ។    

    ឯកឧត្តមបញ្ជាក់ថា៖វិស័យអប់រំក៍មានតួនាទីយ៉ាងសំខាន់ក្នុងការរួមចំណែកអភិវឌ្ឍប្រទេសជាតិ ជាពិសេសកុមារ យុវជន និងមនុស្សពេញវ័យបានទទួលការសិក្សានិងអប់រំពេញមួយជីវិត ឆ្លើយតបទៅនឹងតម្រូវការទីផ្សារការងារ ហើយការអប់រំត្រូវផ្តោតលើការកសាងសមត្ថភាពជំនាញ និងផ្តល់ឱកាសដល់សិស្សគ្រប់រូបក្នុងការទទួលបាននូវចំណេះដឹងមូលដ្ឋាន ដើម្បីឈានទៅ

សិក្សាលើជំនាញបច្ចេកទេសផ្សេងៗ សម្រាប់គ្រប់ស្រទាប់យុវជនក្នុងការកសាង

អនាគតរបស់ពួកគេប្រកបដោយសមត្ថភាពនិងគុណភាព។

ឯកឧត្តម បានបន្តថា៖ការរួមសហការគ្នាធ្វើបុណ្យផ្កាប្រាក់នេះ ធ្វើឡើងដើម្

បីឆ្លើយតបទៅនឹងតម្រូវការខ្វះខាតជាក់ស្តែងរបស់សាលាក្នុងការសាងសង់ទីចាត់ការសម្រាប់

បំរើនិងលើកកំពស់វិស័យសិក្សាធិការជាតិ និងការលើកកំពស់ផ្នែកធនធានមនុស្សព្រម

ទាំងចូលរួមអភិវឌ្ឍន៍ជាមួយរាជរដ្ឋាភិបាលកម្ពុជារបស់យើងទាំងអស់គ្នាផដែរ។

សូមបញ្ជាក់ថា៖ថវិកាប្រមូលបានពីអង្គផ្កាប្រាក់នាពេលនោះទទួលបានថវិកាសរុបគិតជាប្រាក់ដុល្លារ ចំនួន១២៧០២(មួយម៉ឺនពីរពាន់ប្រាំពីររយពីរ)ដុល្លារ ក្នុងនោះឯកឧត្តម គង់ ប៊ុនលីនិងលោកជំទាវ បរិច្ចាកចូលរួមចំនួន៣ពាន់ដុល្លារអាមេរិក។