ហេតុអ្វីបានជាមានទិវាចងចាំ?

       ទិវាជាតិចងចាំ២០ឧសភាជា

ទិវាដែលប្រជាជននៅទូទាំងប្រទេសតែងតែ

បានប្រារព្ធធ្វើជារៀងរាល់ឆ្នាំដើម្បីសម្តែង

នូវការនឹករលឹកគោរពស្រឡាញ់ ការសោក

ស្តាយ ស្រណោះអាឡោះអាល័យ និង ឧទ្ទិស

កុសលដល់វិញ្ញាណក្ខន្ធជនរួមជាតិ ដែលបាន

បាត់បង់ជីវិត ក្រោមរបបកម្ពុជាប្រជាធិប

តេយ្យប្រល័យពូជសាសន៍នៃបន ប៉ុល ពត និង 

ជាឱកាសសម្រាប់យើងទាំងអស់គ្នាបានសម្តែង
នូវព្រះទ័យ និងទឹកចិត្ត សោកស្តាយ ចងចាំមិន

ភ្លេចចំពោះ សោកនាដកម្ម ការឈឺចាប់នានា ដែលជនរួមជាតិកម្ពុជាបានឆ្លងកាត់ក្នុងរបបខ្មែរ

ក្រហម ហើយការជួបជុំគ្នា នៅពេលនេះ ក៏ជា
ការសម្តែងនូវឆន្ទៈរួមគ្នាក្នុងការថ្កោលទោស និង ការទាមទាររកយុត្តិធម៌ជូនប្រជាជនកម្ពុជា
ដែលបានរងគ្រោះដោយសាររបបដ៏យង់
ឃ្នងនោះ។ប្រវត្តិអតីតកាលដ៍សែនជូរចត់ក្នុងរបបខ្មែរក្រហម ដែលក្នុងរយៈពេលជិត៤ឆ្នាំនៃរបប

នេះ ប្រជាជនកម្ពុជាទាំងមូលបានរស់នៅក្នុងគុកឥតជញ្ជាំងដ៏ជូរចត់ ទទួលរងនូវទុក្ខទារុណ

កម្មគ្រប់បែបយ៉ាង សោកនាដកម្មដ៏ធំធេងបំផុតសម្រាប់មនុស្សជាតិ និង សង្គមជាតិ ទាំងមូល

តាមរយៈការបាត់បង់នូវការកសាងជាតិ ការរស់នៅដូចសត្វធាតុ ការនិរាសព្រាត់ប្រាស់គ្រួសារ សាច់សារលោកហិត ប្តីប្រពន្ធ បងប្អូន កូនចៅ គួរឲ្យសោកសង្រែង ជាពិសេសការកាប់សម្លាប់

ជីវិតជាតិសាសន៍ឯងយ៉ាងព្រៃផ្សៃអស់ជាង បីលាននាក់។យូ វង្ស

តើព្រះសង្ឃអាចធ្វើទានបានទេ?

ព្រះសង្ឃនិងគ្រហស្ថដាក់បាត្រនិងវេរភត្តា
ហារប្រគេនព្រះសង្ឃឆ្លងបុណ្យ
ពិសាខបូជានៅជនបទ

នៅថ្ងៃទី១៩ខែឧសភាឆ្នាំ២០១៩ ព្រះតេជគុណ អប្បមាទោ ពៅ ផល្លី ព្រះចៅអធិការវត្ត

ឈូកក្រសាលរស្មីមានជ័យ និង ឧត្តមសេនីយទោ ខេង រ៉ា មេបញ្ជាការរង

នគរបាលជាតិប្រចាំភូមិភាគទី៤  និងភរិយា ព្រមទាំងបុត្រធីតា រួមទាំងក្រុមគ្រួសារ

ញាតិមិត្តបងប្អូន ក្នុងក្រុងសៀមរាប បានសហការរៀបចំដាក់បាត្រនិងវេរភត្ត

ប្រគេនដល់ព្រះសង្ឃចំនួន៦៥អង្គ និមន្តមក

ពី៤វត្តក្នុងស្រុកប្រាសាទបាគងនិងស្រុក

សូទ្រនិគមន៍ ដែលមានទីតាំងស្ថិតនៅជិត

វត្តឈូកក្រសាលរស្មីមានជ័យ ក្នុងឃុំខ្នារពោធិ

ស្រុកសូទ្រនិគមន៍ខេត្តសៀមរាប។

ព្រះតេជគុណ អប្បមាទោ ពៅ ផល្លី ព្រះចៅអធិការវត្តឈូកក្រសាលរស្មីមានជ័យ មានថេរដិកាថា៖ថ្វីត្បិតតែព្រះសង្ឃរស់ដោយបាយបាត្រ និង ទទួលការឧបត្ថម្ភទំនុកបំរុងពីទាយក ទាយិកា ពីគ្រប់មជ្ឈដ្ឋានក្តី តែ ព្រះសង្ឃក៍អាចធ្វើនិងចែករំលែកទានប្រគេននិងជូនដល់ភិក្ខុសង្ឃ

ផងគ្នានិងគ្រហារវាសឬបថុជ្ជន ដែលជួបការលំបាកខ្វះខាត ទៅតាមលទ្ឋភាព ផងដែរ ដើម្បីបំពេញបុណ្យដល់បុគ្គលខ្លួនឯងផងនិងចែករំលែកអាហារភោជនទៅដល់ញាតិញោមដូចជាគ្រហស្ថដែរ។ព្រះអង្គថា៖ការដាក់បាត្រនិងប្រគេនបច្ច័យដល់ភិក្ខុសង្ឃផងគ្នា នាឱកាសនេះគឺដើម្បីញ៉ាំង

កម្មវិធីបុណ្យពិសាខបូជានៅទីអារាមមួយនេះឱ្យកាន់តែអធិកអធម និងបង្កើនភាពស្និទ្ឋស្នាលរវាង

ព្រះសង្ឃនិងព្រះសង្ឃក៍ដូចជាពុទ្ឋបរិស័ទជិតឆ្ងាយឱ្យកាន់តែស្អិតរមួតថែមទៀត ដើម្បីរួមគ្នា

ទ្រទ្រង់វិស័យព្រះពុទ្ឋសាសនាឱ្យរីកចំរើននិងស្ថិតស្ថេរជានិរន្តរ៍។

       ឧត្តមសេនីយ៍ទោ ខេង រ៉ា មេបញ្ជាការរងនគរបាលជាតិប្រចាំភូមិភាគទី៤ បានមាន

ប្រសាសន៍ថា៖ក្នុងនាមជាពុទ្ឋបរិស័ទ និងដោយគោរពស្រឡាញ់និងជឿជាក់លើព្រះពុទ្ឋសាសនា​ លោកតែងតែប្រកាន់ខ្ជាប់នូវប្រពៃណី ទំនៀមទំលាប់ និងបានចូលរួមធ្វើបុណ្យទានទៅ

តាមលំអានព្រះពុទ្ឋសាសនាមិនគិតថាឆ្ងាយឬជិតឡើយ គឺធ្វើទៅតាមលទ្ឋភាពនិងធនធាន

ដែលអាចធ្វើបាន។ឧត្តមសេនីយទោ ខេង រ៉ា បញ្ជាក់ថា៖កម្ពុជាក្រោមកិច្ចដឹកនាំរបស់សម្តចតេជោ ហ៊ុន សែន ជានាយករដ្ឋមន្រ្តី បាននាំមកនូវសុខសន្តិភាព  និងមានការអភិវឌ្ឍន៍ រីកចម្រើនលើ

គ្រប់វិស័យ បានបង្កលក្ខណៈងាយស្រួលដល់ប្រជាពលរដ្ឋក្នុងការធ្វើដំណើរជិតឆ្ងាយ

ទៅធ្វើបុណ្យទានផ្សេងៗ ដោយពុំមានការភ័យខ្លាចខុសប្លែកកាលពីជាង២០ឆ្នាំមុន មូលដ្ឋាននៅ ឆ្ងាយពីក្រុងឬទីប្រជុំជនគឺសុទ្ឋតែជាសមរភូមិប្រយុទ្ឋ។លោកបានបញ្ជាក់ដែរថា៖ វិស័យពីរ

នៅកម្ពុជាបានដើរទន្ទឹមគ្នា គឺវិស័យពុទ្ឋចក្រនិងអាណាចក្រ។វិស័យទាំងពីរនេះ​ មិនអាចខ្វះមួយណាបានឡើយ ព្រោះថាពុទ្ធចក្រ ក៍បានរួមចំណែក បាននាំមកនូវសន្តិភាព និង ការអភិវឌ្ឍន៍ស្ទើរគ្រប់វិស័យ ពិសេសវិស័យអប់រំវប្បធម៌តាមរយៈវត្តអារាមដែលជាទីតាំង

សម្រាប់ពឹងពំនាក់នៃជនគ្រប់រូបដែលត្រូវការ ជាកន្លែងសម្រាប់ជ្រកកោនរបស់ជនក្រី

ក្រកុមារកំព្រានិងសិស្សឥតទីពឹងជាជម្រកសុខសាន្តរបស់ពពួកសត្វ ជាទីកន្លែងកប់ចោល

នូវការទាស់ទែងគ្នាជាកន្លែងដែលមនុស្សទាំងអស់មានភាពស្មើគ្នាជាកន្លែងការពារសិទ្ឋ ជាមណ្ឌលវប្បធម៌ជាបណ្ណាល័យ ជាកន្លែងបង្កើតស្នាដៃនិពន្ឋរបស់ប្រជាជន។

វិទ្យាស្ថានជាតិពហុបច្ចេកទេសអង្គរខេត្តសៀមរាប មានបណ្តុះបណ្តាលជំនាញជាច្រើនក្នុងនោះអាទិភាពលើវិស័យ៤គឺវិស័យសំណង់ វិស័យមេកានិករថយន្ត វិស័យអគ្គីសនី និងវិស័យកម្មន្តសាល

វិស័យ  TVETគឺជាវិស័យមួយដែលប្រើ
ប្រាស់ដើមទុនវិនិយោគខ្ពស់និងទាមទារ
ថវិកាច្រើនដើម្បីធ្វើការអប់រំបណ្តុះ
បណ្តាលគ្រូបង្រៀនថ្មីនិងចាស់ បំពាក់
សម្ភារៈបច្ចេកទេសឧបករណ៍ថ្មីៗ សាងសង់
គ្រឺះស្ថានសិក្សា និងរោងជាង ធានាដល់ការ
បណ្តុះបណ្តាល សិក្ខាកាម សិស្ស និស្សិត
មានលក្ខណៈសមស្របប្រកបដោយគុណភាព ស្តង់ដារ សមត្ថភាព ដើម្បីបំពេញតម្រូវការ
ជំនាញដែលតែងតែផ្លាស់ប្តូរយ៉ាងឆាប់រហ័ស។នៅកម្ពុជា វិស័យ TVET ក៍ជួបនឹងការលំបាក
ជាច្រើនដោយសារសង្គមមិនទាន់យល់
ដឹងច្បាស់អំពីតម្លៃនិងអត្ថប្រយោជន៍នៃ
វិស័យនេះ ដែលមនុស្សក្នុងសង្គមតែងតែ
យល់ឃើញថា វិស័យ TVETជាជំនាញសម្រាប់
ប្រជាជនក្រីក្រនិងអ្នកគ្មានការងារធ្វើ ហើយសិស្សដែលបញ្ចប់ការសិក្សាទទួល
បានការងារចំណូលទាប ហេតុនេះហើយ TVETត្រូវការ ការគំាទ្រពីដៃគូរអភិវឌ្ឍន៍នានា ក្នុងការផ្លាស់ប្តូរទស្សនៈសង្គមដើម្បីបង្កើន
ការចុះឈ្មោះចូលរៀនរបស់សិក្ខាកាម សិស្ស និស្សិតឱ្យបានច្រើនជាពិសេសស្ត្រី ឱ្យពួក
គាត់ជ្រើសរើសជំនាញ TVET ជាជម្រើសដំបូង មិនមែនជាជម្រើសចុងក្រោយ។នេះបើតាមប្រសាសន៍ ឯកឧត្តម បណ្ឌិត
 ពេជ សោភ័ន រដ្ឋលេខាធិការប្រចាំការ
នៃក្រសួងការងារបណ្តុះបណ្តាលនិងវិជ្ជាជីវៈ
និងជាប្រធានគម្រោងថ្លែងកាលពីថ្ងៃទី១៧
ខែឧសភាឆ្នាំ២០១៩នៅក្នុងពិធីបើក
ប្រកាសដាក់ឲ្យអនុវត្តកម្មវិធីបណ្តុះបណ្តាល
វិញ្ញាបនបត្រវិជ្ជាជីវ:និងការដាក់ឲ្យអនុវត្
តប្រព័ន្ឋវាយតម្លៃផ្អែកលើសមត្ថភាពនិងការផ្តល់គុណវុឌ្ឍនៅវិទ្យាស្ថានជាតិពហុបច្ចេកទេសអង្គរ
ខេត្តសៀមរាប។

          សូមបញ្ជាក់ថា៖ក្នុងការបន្តដំណើរការកែទម្រង់វិស័យធីវេត(TVET) គម្រោងដែលកំពុង

ដំណើរការបច្ចុប្បន្នបានផ្តោតការយកចិត្តទុកដាក់លើវិស័យអាទិភាពចំនួន៤គឺវិស័យសំណង់  វិស័យមេកានិករថយន្ត វិស័យអគ្គីសនី និងវិស័យកម្មន្តសាល ដែលអភិវឌ្ឍនិងអនុវត្តកម្មវិធី

នានាត្រូវស្របតាមវិស័យអាទិភាពទាំង៤ ការចាប់ផ្តើមអនុវត្តកម្មវិធីវិញ្ញាបនបត្រវិជ្ជាជីវៈ

នាពេលនេះជាកម្មវិធីកម្រិត១នៃក្របខ័ណ្ឌគុណវុឌ្ឍជាតិកម្ពុជា ហើយវិញ្ញាបនបត្រវិជ្ជាជីវៈនេះ គឺជាការអនុវត្តប្រព័ន្ឋបណ្តុះបណ្តាលផ្អែកលើសមត្ថភាព(CBT)ដែលនឹងមានការទទួលស្គាល់

ថ្នាក់ជាតិនិងថ្នាក់តំបន់ តាមរយៈការវាយតម្លៃផ្អែកលើសមត្ថភាពនិងការផ្តល់គុណវុឌ្ឍ។

សូមចុចតំណភ្ជាប់នេះ ដើម្បីស្វែងរកដំណឹងការសិក្សានៅវិទ្យាស្ថានជាតិពហុបច្ចេកទេសអង្គរខេត្តសៀមរាប https://www.facebook.com/490736007774414/photos/802256006622411/

https://www.facebook.com/npia.info/videos/747003412147671/