Monday, May 14, 2012

លោកយាយវ័យ ៧០ ឆ្នាំ ត្រៀមលះបង់ព្រហ្មចារីយ៍

ជាអតីតអ្នកចម្រៀងក្នុងរង្គសាល Pam Shaw អ្នកស្រីពិតជារវល់ដល់ថ្នាក់គ្មានពេលនឹងស្វែងរកគូសង្សារ ។ ហេតុនេះ ទោះបីជាវ័យឈានចូល “៧០ និទាឃរដូវ” ហើយក៏ដោយ តែគាត់នៅរក្សារភាព “ហ្ស៊ីន” ដដែល ។
ទោះបីជាឈ្មោះក្នុងពិភពសិល្បៈ គឺ Sexation Pam ហើយធ្វើការក្នុងរង្គសាលក្តី តែគាត់រស់នៅម្នាក់ឯង និងជៀសឆ្ងាយពីពួកប្រុសៗ ដែលគិតតែពីរឿង “នោះ” ។

អ្នកស្រី បកស្រាយថា ពុំមានជំនឿលើការរួមភេទ មុនអាពាហ៍ពិពាហ៍នោះទេ ។ ហេតុនេះ ក៏រស់នៅតែម្នាក់ឯង រហូតទល់សព្វថ្ងៃ និងរក្សានូវ “វត្ថុមានតម្លៃ” បំផុត របស់ស្រ្តីគ្រប់ៗគ្នា ។ប៉ុន្តែហាក់ដូចជាដល់ពេលត្រូវការបន្លាស់ប្តូរថ្មីមួយ ។ អ្នកស្រីពោលថាៈ មកទល់ពេលនេះ ខ្ញុំបានត្រៀមបំរុងបូជាវា ឲ្យបុរសត្រឹមត្រូវម្នាក់ ។ លក្ខណៈសម្បតិ្តបុរសនោះ ក៏ខ្ញុំទាមទារខ្ពស់ដែរ ។ គេត្រូវជាមហាសេដ្ឋីខ្ពស់ស្រឡះ ស្អាត ហើយមានសក់ពណ៌ខ្មៅ ។

វ័យ ៧០ ឆ្នាំ ត្រៀមលះបង់ “ព្រហ្មចារីយ៍”

អ្នកស្រីចែករំលែកថាៈ ដល់ពេលនេះ ទើបខ្ញុំមានអារម្មណ៍ត្រៀមបំរុងឈានរកអាពាហ៍ពិពាហ៍ ហើយអាចមានជំនឿចិត្ត រួចដំណេកជាមួយបុរស ។ អ្នកនឹងមិនចាស់ហួសពេកទេ សំរាប់ការពិសោធន៍រឿងថ្មីមួយ ។អ្នកស្រីប្រាប់ថាៈ ខ្ញុំមានអាយុ ៧០ ឆ្នាំ តែបេះដូងខ្ញុំនៅក្មេងខ្ចី ។ មនុស្សម្នាច្រើនភ្ញាក់ផ្អើល ពេលខ្ញុំប្រាប់អាយុពិត ។ ខ្ញុំជឿថា ខ្ញុំនៅតែជានារី “អស្ចារ្យ” ម្នាក់ ។ ប្រហែលខ្ញុំមិនធ្លាប់រៀបការ ឬ មានកូន ។ អត្តចរិកតែសប្បាយរីករាយ និងពោរពេញដោយឋាមពល ។អ្នកស្រី Pam មកពី Wigan, Manchester អង់គ្លេស ហើយរស់នៅជាមួយម្តាយ រហូតដល់គាត់ស្លាប់នៅឆ្នាំ១៩៩៥ ក្នុងវ័យ ៩៧ ឆ្នាំ ។ បុព្វហេតុច្រៀងរបស់អ្នកស្រី បានឈានដល់កំពូល គ្រាដែលទទួលបានជោគជ័យក្នុង Opportunity Knocks នៅឆ្នាំ១៩៦០ ៕