ក្រុមគ្រួសារនៃមន្រ្តីនគរបាលមរណៈភាពទទួលការឧបត្ថម្ភថវិកាពីសមាគមន៍ មិត្តនគរបាលជាតិនៃស្នងការដ្ឋាននគរបាលខេត្តសៀមរាប

ក្រុមគ្រួសារនៃមន្រ្តីនគរបាលមរណៈភាពទទួលការឧបត្ថម្ភថវិកាពីសមាគមន៍

មិត្តនគរបាលជាតិនៃស្នងការដ្ឋាននគរបាលខេត្តសៀមរាប

នៅស្នងការដ្ឋាននគរបាលខេត្តសៀមរាបព្រឹកថ្ងៃទី១៣ខែមិនាឆ្នាំ២០១៣លោកវរៈសេនីយឯក ជៀវ សុរិយាស្នងការរងនៃស្នងការដ្ឋាននគរបាលខេត្តសៀមរាបបាននាំយក

ថវិការបស់សមាគមន៍មិត្តនគរបាលជាតិសរុបចំនួន៦១លានរៀលប្រគល់ជូន

ដល់គ្រួសារមន្រ្តីនគរបាលដែលទទួលមរណៈភាពក្នុងបុព្វហេតុផ្សេងៗនាពេលកន្លងមក

ចំនួន១៦គ្រួសារក្នុងមួយគ្រួសារទទួលបានថវិកា៤លានរៀល។ជាមួយនឹងការប្រគល់ថវិកាជូន

គ្រួសារមន្រ្តីនគរបាលដែលទទួលមរណៈភាពលោកវរៈសេនីយឯក ជៀវ សុរិយាបានមានប្រសាសន៍ទៅកាន់សមាជិកគ្រួសារមន្រ្តីមរណៈភាពថា៖អង្គភាពនគរបាលខេត្ត

សៀមរាបពិតជាមានការសោកស្តាយនិងមានក្តីអឡោះអាឡ័យចំពោះមរណៈភាពរបស់អតីតមន្រ្តីនគរបាល

ទាំងនោះណាស់ហើយយើងទាំងអស់គ្នាចងចាំជានិច្ចនូវរាល់គុណបំណាច់និងគំរូវិរៈភាពរបស់ពួកគាត់ដែល

បានបំពេញភារកិច្ចជូនជាតិមាតុភូមិនាពេលកន្លងមកនិងបានកត់ត្រាទុកនូវគម្រូវីរៈភាពល្អទាំងនោះជាគំរូសម្រាប់

មន្រ្តីជំនាន់ក្រោយ។ទោះជាអត់ពីកូនពីប្តីពីឪពុកក៍យើងនៅតែមានទំនាក់ទំនងល្អជានិច្ចរវាងអង្គភាពនិងក្រុមគ្រួសារ

មិនអាចកាត់ផ្តាច់បានទេ។លោកស្នងការរងបានបញ្ជាក់ទៀតថា៖ថ្វីបើថវិកាទាំងនេះតិចតួចស្តួចស្តើងមិនគ្រប់

គ្រាន់ទៅតាមតំរូវការប្រើប្រាស់ក្តីតែក៍គឺជាទឹកចិត្តជួយចែករំលែកជួយគ្នាទៅវិញទៅមកសម្រាប់ដោះស្រាយការលំបាក

ក្នុងជីវភាពបានមួយរយៈដែរ។សូមបញ្ជាក់ថាស្នងការដ្ឋាននគរបាលខេត្តសៀមរាបកាលពីឆ្នាំ២០១២បានធ្វើការប្រគល់ថវិកា

 របស់សមាគមន៍មិត្តនគរបាលជាតិជូនដល់គ្រួសារមន្រ្តីនគរបាលដែលទទួលមរណៈភាពចំនួន១២នាក់និង៥នាក់ផ្សេង

ទៀត

ជា

ភរិយារបស់មន្រ្តីនគរបាលដែលទទួលមរណៈភាពដោយម្នាក់ៗទទួលបានប្រាក់ឧបត្ថម្ភចំនួន១លានរៀល។យូវង្ស